Eg nemner ikkje kameraet - det var nesten ikkje med her. Jau forresten, det var med, og det var min etter kvart så kjære Olympus E-500, brennvidda var 150mm. Det motsvarar 300mm i det gamle 35 mm filmverda har eg lest. . .
Men så stoppa nesten kameraet si medverking opp der, for han bak kameraet ville at biletet skulle kraftig undereksponerast sidan han var ute etter eit høglys på ein annan del enn der dette utsnittet er henta frå – i ettertid var ikkje det høglyset så spanande likevel. I Bibble vart så snittet valgt frå det nesten mørkaste mørke partiet og lyfte ut ved å «auke eksponeringstida eit par steg» så hala og drog eg litt i kurvene – slik på måfå - berre for å sjå kor det ville ende. Var innom og auka saturisering og «vibrance» (kva det no måtte vere) og Noise Ninja tok bort noko av detaljane . . . . Ja, og det var sånn stort sett det eg gjorde, for eg var ute etter ei form og ikkje anna. Og så var det jo litt spanande å prøve gjenbruke det feilslåtte biletet som eg var i ferd med å slette frå harddisken. . .