Av mange vert slåtteeng oppfatta som ein monokultur med lite dyre og insektsliv. Det er ikkje mi erfaring. Eg har tidlegare lagt ut bilete av slåmaskin i arbeid og biletet "Livet i dåskogen." Når eg startar opp slåmaskina, kjem låvesvalene flygande og beiter på oppskremte insekt. Når eg er ferdig og set frå meg maskina, er det fullt av insekt på toppreseninga. Desse vert beita av fleire artar fuglar. Nokre av dei ser på meg som ein inntrengar, når eg smør opp for å slå på nytt. Dette barnet visste ikkje heilt kva det skulle tru, då eg sette meg inn under maskina for å sjekke oljenivået.