Kvar har eg gjort av meg?
Det er vel ikkje fritt for at eg lurer på det sjølv og - men det er ein stad der internett berre er ein fjern draum og einaste urbane lyd er den evindelege norge-rundt-melodien frå den allestads-enerverande isbilen (orsak Sveinemann) - og sanneleg er ikkje det eit av dei produkta som eg saknar aller minst i mitt friviljuge eksil på hi sida ta fjorden, rett over fjorden for Kokarsteinen, tohundreogtjue bratte meter rett opp frå ein god fiskeplass som både eg og dei tre kattane på garden set stor pris på. Ja, det er her eg er: I friviljug eksil saman med to grisar, fire sauer to høner og eit nokre bortløpne geiter. Ja, og ikkje å gløyme da: Minst to spøkjelse som bur i huset i lag med meg. . . Det er vanskeleg å vite kven som er mest skremd av det, eg eller dei.
Skulle nokon ønskje å besøkje meg, heimsøkje som det vel og heiter, så er det berre å ta turen - vi er der, og både hjarterom og husrom er det der - om eg lærer leksa så skal det kunne verte både kakestykke til kaffien og middag . . . . . men dette er reklame så det seier eg ikkje.