Alnes fyr - Kultursenter i nordvest
Alnes ligg på nordsida av Godøy - ei av dei 4 øyane i Giske kommune - med Ålesund og fastlandet i aust og ope hav i vest. Med få avbrekk har det vore fyrveksemd på Alnes sidan 1852. Fyret er framleis i full drift (automatisert sidan 1982), og sidan 1993 har anlegget også fungert som eit lokalt og regionalt kultursenter i ein unik landskapssituasjon. Med bru og undersjøisk tunnellsamband til Ålesund lufthamn Vigra og til Ålesund (begge knapt 20 min. med bil), er Alnes i dag blant dei fyra i landet som er best tilgjengelege. I sommarhalvåret er det eit populært reisemål både for turistar og for folk i regionen.
(Teksten er henta frå Norsk Fyrhistorisk Forening)