Mons har vore i intens trening dei siste dagane -- Det starta etter at eg så ufint skreiv om korleis han ikkje forstod det med opning av opne dører -- det vart visst for flaut for han det. Han har stadig vekk rotert labben rundt i dørsprekken slik at døra ein og annan gang har klemt til over den stakkars poten hans, medan den andre gonger har opna seg som ved eit trylleslag. Det er ikkje så enkelt å skjøne systemet i det. Han har også reist seg på to og puffa til dørkarmen det beste han kunne, . . og jammen det har ikkje bakparten då sneia borti døra slik at den gjekk opp. Denne vellukka løysinga nytta han eit par gonger, men no skal han vere sett ein gang da han reiste seg på bakføtene og puffa til sjølve døra og. Det kan vere denne intellektuelle treninga som har fått han og til å ofre seg for politikken. Som nokon kanskje veit, vart Sindbad for ei tid sidan svært oppteken av Mao Tse-Tung sine skrifter . . . . No har Mons funne sitt, og har meldt seg inn i det som heiter Frampotepartiet og har ein sterk trong til rettvise der det passar han.